مش عارف الايام دى الشعر مش مطاوعنى خالص .. مش قادر أكتب بيتين على بعض .. أو يعنى الافكار مش متيسرة .. لذلك .. قررت اكتبلكم هنا أول أربع ابيات شعر كتبتهم فى حياتى
كنت كاتبهم و انا فى تانية إعدادى ..
و أهو منه شعر .. و منه ذكريات .. و تدوين لحاجة اخاف تضيع منى فى يوم من الأيام ..
كنت كاتب الكام بيت دول و انا باذاكر ليلة امتحان التيرم التانى بتاع تانية اعدادى
--------------
يا قدس يا قدس العرب
قذفوك يوما باللهب
فصرخت من هول الالم
و بعثت أنات الغضب
المسلمون تحركوا
سطروا الرسائل و الخطب
هبوا لحرب عدوهم
حملوا سيوفهم الخشب
لم تمض برهة أو اقل
إلا و هدهم التعب
------------------
خصلت كده ... أصلى ماعرفتش أكمل بعدها ..
مش مكتوبة فى ورقة من أيامها .. و مع ذلك لسه فاكرها
من عشر سنين بالضبط
يارب تعجبكم
هناك ٤ تعليقات:
فين يا عم مدونتك من زمان
كنت فتانية اعدادى وكتبت الكلام دا
جاااااااااااامد على سن صغير كدا
اكيد فنان .
مستنى شعرك الجديد
مودتى
تعجبنا وبس؟!!!!!؟
دي تحفه فعلا
ماشاء الله
touch wood
انت مبدع من يومك بقي
........
حسيت في الأبيات حاجة من روح نزار في النوع ده من القصايد بين كلماتك
بجد معاني الابيات واضحة ولذيذة جدا جدا
وطريقة إستنكارية تشد
تحياتي
........
ملحوظة:ياريتك تصالح شيطان شعرك بقي علشان ماتغيبش علينا بإبداعاتك كتير
سلاااااااام
ألف شكر ليك يا أخ فرى .. و نورتينى يا مى بتعليقك الجميل .. و كويس إنها عجبتك
ألف شكر مرة تانية
صحيح .. مبروك الأفاتور " الصورة " يا مى .. بس مش عارف معناها إيه بصراحة
إرسال تعليق