هاحكيلكم نكتوحلوة اوى سمعتها من خالى النهاردة
كان فى مشروع عملاااق اوى .. المفروض انه قرب ينتهى .. و المفروض كمان ان حسنى مبارك ها ييجى يفتتح المشروع دا .. يعنى .. يقص الشريط و كده يعنى
و كان فى فى الموقع بتاع المشروع دا غفير كده غلبان و على اد حاله .. فلاح و بسيط و كده يعنى
كان اسمه عم عبد الواحد
عم عبد الواحد دا لما عرف ان حسنى مبارك جاى يفتتح المشروع .. راح باعت إلتماس للرئيس بيقولله " يا فندم عندى طلب من حضرتك لو حصل ها ترفع من روحى المعنوية انا و اهلى و عيلتى و بلدى كلها .. احنا ناس فقرا و غلابة و مالناش غيرك "
و قالله " باتمنى من سيادتك لما تيجى تفتتح المشروع دا بس تقوللى " إزيك يا عم عبد الواحد " يعنى قدام الصحافة و التليفزيون كده أكيد هاتشرف و الناس هاتعرفنى و يعملوا معايا أحاديث و كده
المهم ... الريس وافق ... جه يوم الافتتاح ...
واقف وسط الحرس و الوزراء و الضباط و الصحافة و المصورين و التليفزيون و الحاجات دى كلها .. و بعد ما قص الشريط .. وقف قالله " إزيك يا عم عبد الواحد "
لقيه مش عايز يرد ... إزيك يا عم عبد الواحد تانى .. بردو عم عبد الواحد مش عايز يرد ... تالت مرة .. إزيك يا عم عبد الواحد .. راح عم عبد الواحد رد عليه قالله " ماخلاص بروح أهلك انت ها تهزر معايا "
السبت، مارس ١٧، ٢٠٠٧
الاشتراك في:
تعليقات الرسالة (Atom)
هناك ٤ تعليقات:
ههههههههههه
جميلة النكتة يا أحمد....بس عندي سؤال: أي دولة دي اللي فيها "عم عبدالواحد"بالذكاء ده ...و"اللي بالي بالك" بالطيبة دي؟!!؟
بس مادام الموضوع مشجع كده ابعت رسالة بقي لسانتا كلوز أطلب منه ييجي لحد عندي في المنصورة السنة الجاية
وينادي عليا برضه من تحت الشباك
تحياتي
وفعلا اتشرفت بزيارة مدونتك الجديدة
كلامك جميل يا احمد اتمني كتابة الكثير من الموضوعات اخوك عمرو
يا نهار ابيض
يا نهار ابيض
يا نهار ابيض
الاخت مى عبد الرحمن بذات نفسها عندى ..؟
و كمان بترد على بوست لي
الف الف الف شكر ليكى يا مى على اهتمامك... و ردك ..
و ألف شكر ليك يا عمرو على ردك الأجمل ..
hhhhhhhhhhhhhhhhhhhhhhhhh gamela a2wi ya a7med
SeMSEm
إرسال تعليق