ايوة هو
حسام حسن لاعيب الكورة
شخصيته بتشدنى اوى
ماعرفهوش من قريب
لكن انا هاتكلم عن حاجة واحدة
عن قوته .. صموده .. اصراره اللى ماشفتش زيه
بصوا فى صورته كده و هاتعرفوا انا أقصد إيه
ملامحه .. كلها تحدى
جوز خالتى مواليد شهر اكتوبر سنة 1966
جوز خالتى - عم صلاح - جد دلوقتى
عنده حفيدة أمورة إسمها مها .. 6 شهور
حسام حسن أكبر من جوز خالتى بشهرين
حسام حسن مواليد شهر اغسطس سنة 1966
يعنى اللى قده جد
و مع ذلك بيلعب و بيجيب اجوان
مش علشان هو لعيب ..؟
من امتى كان حسام حسن سريع
من امتى كان جسمه قوى
انا لما باشوف ماتش دلوقتى لحسام حسن .. مش باركز على لعبه .. لعب الكورة ازاى و جاب جون ولا لأ
لكن باركز عليه و هو بيجرى
و هو بيتحرك
حركته زى حركة الشباب اللى من سن أولاده
قادر يحافظ على لياقته و نشاطه ..
مش علشان هو عايز فلوس .. حسام حسن من اغنى اللاعيبه فى مصر و عنده مشاريع كتيرة ناجحة
لكن علشان هو عايز كده .. عايز يفضل طول عمره شباب على طول
اتأثرت كتير اوى لما جاب جون فى كأس الامم الاقريقية الاخيرة
حسيت انه انتصر
على كل اللى هاجموه و قالوا عليه عجز
ياااارب يفضل يلعب لحد خمسين سنة
و انا متأكد انى هافضل احبه و اشجعه
حسام حسن بيتحدى الزمن
و بيتحدى الناس
و لحد دلوقتى .... كسبان التحدى و متفوق
هناك تعليقان (٢):
أول مرة أ‘رف انك بتحبه
بس بجد كلامك عنه أدانى فكرة كويسة مع انى مبحبش الكورة ولا أعرف أسم أى لاعب
بس انت قلتها هو صامد وعنده قوة إرادة اتمنى أنها تبقه عندك
sEmsem
ياترى مييييييين
إرسال تعليق