كانت نزوة

كانت نزورة

من سنتين و شوية فكة ..

بدأت هى معايا السكة ..

كلمة فى ضحكة .. فى ذكرى جميلة ..

فجأة بقيت مركون عالدكة ..

كانت نزوة

حلم حلمته و عمرى ما طلته ..

شوق جرجرنى عشان صدقته ..

عمرى اتسرسب قدام عينى ..

بس ياريت من بدرى لحقته ..

كانت نزوة

سنتين عشت فى أحلى خيال ..

باخلص و أوفى لناس أندال ..
نسيت كل حاجاتى الحلوة ..

اللى اسمها بالسين و الدال ..

كانت نزوة

كلمة قالتها ما تنتهاش ..

باعت أحلى شعور ببلاش ..

دبحت قلبى بدون إحساس ..

و السكينة ما سنتهاش ..

كانت نزوة

دنيا بتقسى تملى علينا ..

و تعذبنا .. لكن ما علينا ..

إحنا كمان دايما نتغابى ..

و نروح لعذابنا برجلينا ..

كانت نزوة

قرب قرب بص عليا ..

بعت قضية وراها قضية ..

بس طلعت بأغلى حقيقة ..

عمر الحب ماكان بالنية ..

******