*بمناسبة موسم إمتحانات الثانوية العامة و الجامعات .. قررت شركة موبينيل للإتصالات المحمولة طرح خدمة جديدة لعملائها على غرار خدماتها السابقة مثل " كلمنى .. شكرا " ... و .. " إشنحلى .. شكرا " ... على أن تكون الخدمة الجديدة هى " غششنى .. شكرا " .. للإشتراك فى الخدمة الجديدة إتصل بأقرب مستودع انابيب بوتاجاز ..
*بعد نجاح تجربة المحال التجارية و خيم بيع الملابس و الماكياج و جهاز العروسين فى فناء كلية الآداب بجامعة الزقازيق ... يجرى حاليا تطوير مشروع عملاق يهدف لإقامة مول تجارى كبير داخل ساحة الكلية .. على أن يتم إزالة المبنى الإدارى للكلية و الذى يحوى مدرجى أ و ب ..
*أعلنت شبكة " إتصالات " لإتصالات الجوال عن واحد من مشاريعها المستقبلية .. إذ تزمع الشركة طرح خدمة جديدة جدااا على السوق المصرى و العربى .. فبعد خدمات مكالمات الفيديو .. و الإنترنت فائق السرعة .. يتم حاليا تطوير خدمة جديدة تتيح للمستخدم مصافحة محدثه على الجانب الآخر يدا بيد .. هذا وقد تم إقتراح سعر خمسة جنيهات للمصافحة الواحدة ...على ألا تزيد مدتها عن خمس ثوانى ... كما يدور فى الأروقة حديث عن نية الشركة ان تعقب هذه الخدمة المذهلة بخدمة أخرى أكثر إذهالا .. ألا و هى تبادل القبلات أيضا مع الطرف الآخر ..
*بعد فشل مشروع "فصل إنتاج الخبر عن التوزيع "و الذى تم من أجله بناء مئات الآلاف من الأكشاك الخشبية الخضراء .. و بعد ضربات الشمس و الإغماءات التى أصابت العديد من المواطنين أمام أكشاك الخبز .. تقرر بدء مشروع جديد لعله يساهم فى حل الأزمة .. حيث سيتم بيع الخبز للمواطنين فقط من الساعة الثالثة و حتى الخامسة فجرا ... و هذا منعا للإزدحام أمام أفران الخبز .. و تم إقتراح إسم مبدئى لهذا المشروع الجديد ألا و هو " فصل توزيع الخبز عن الجمهور " .. و الله الموفق
هناك ٦ تعليقات:
السلام عليك
بتكتب كويس ماشاء الله عليك
انت فى جامعه الزقازيق؟
بتدرس ايه
عاوزه اقولك لو انت فعلا عاوز تسمع ناس بتكتب شعر وتستفاد جدا
روح النادى الادبى فى جامعه الزقازيق
هتلاقى شعر بجد
المعاد يوم الاتنين من الساعه اتناشرالى تلاته مبنى الاداره العامه الدور التالت
اهلا بيك هناك
أهلا بيكى يا كرانيش فى بلوجى المتواضع و الله انا احتمال أكون موجود بكرة فى النادى الأدبى اللى بتقولى عليه دا و بأمر الله
تحياتى ليكى و لتعليقك .. نورتينى ..و أكيد هازورك
متستعجلش قوى كده
احنا لسه مشتغلناش
لما نبدا وهو غالبا هيكون الاتنين بعد الجاى
اكيد هبلغك
شكلك متحمس قوى ودى حاجه كويسه جدا
بس اهلا بيك فى اى وقت تشرفنا
ولو تحب هتلاقى عندى كل مدونين الزقازيق اللى هيسعدك- وانا متاكده من ده- انك تشوفهم وتشوف شغلهم
نورت المدونه عندى
والله حلوة اخبار العاشرة بتاعتك دى
ماشاء الله كويس التقرير
بس هو انت ماعرفتش ؟؟؟
مش هما ناويين يفتحوا مركز تجميل كمان محل المبنى القديم فى الكلية!!!
يالا ربنا يرزقهم وربنا مايجعلنا من قطاعين الارزاق.
وفى خبر تانى كمان انت ماتعرفوش تقريرك
مش مظبوط يااستاذ ..الجماعه طبعا قلوبهم رحيمة قوى فقالوا ايه مادامت الناس بتتعب فى الطابير خلاص يعملوا الاكشاك اما فى المستشفيات الحكوميه الكبيرة عند شباك الحجز او انهم يعملوها فى القرى فى الوحدات الصحية...
بعد كده ابقى دقق لو سمحت.
مزيد من التوفيق وربنا معاك وشكرا على اضافتك ليا
أهلا بيكى يا حبيبة نورتينى للمرة التانية ..
اشمعنى يعنى مركز التجميل ..؟
انا كان حلم حياتى من زمان أفتح محل كشرى جوا الجامعة .. و مكرونة بالبشاميل بقى ..
و كمان كان نفسى أفتح محل جزمجى جوا الجامعة ..
الجامعة عموما سوق جدميل أوى لأى حد عايز يفتح مشروع لأن شباب الجامعة بالذات بيشتروا أى حاجة و كل حاجة و مش بيفكروا فى الماهية ولا مصروف الشهر ..
و بعدين المستشفيات الحكومية الكبيرة ياست حبيبة مش محتاجة شبابيك حجز .. دى محتاجة "زنازين" حجز .. للموظفين و الممرضين المفتريين اللى هناك .. و ربنا يسترها علينا
تحياتى ليكى مرة تانية ..
و نورتينى مرة تالتة
العزيزة كرانيش ..
المشكلة مش فى الحماس خااالص لأنه الحمد لله متوفر أوى .. أوى أوى يعنى
لكن المشكلة فى الوقت .. الفضا ..
أنا شغال فى ورشة والدى و قليل أوى لما بابقى فرى .. لول
بس ربنا يكرم بس و أعرف أزوغ كده فى يوم و آجى ... هاتكون فرصة حلوة اوى و مناسبة فى منتهى الجمال ..
و لحد ما تيجى .. قولى يارب
إرسال تعليق