سحاب سابح بيتسحب .. لكن حابساه سما زرقا ..
.
بابص لفوق يفكرنى بنار البعد و الفرقة ..
.
مانا زيه .. باروح و آجى ..
.
حسب تقديرى و مزاجى ..
.
لكن صخر الحياة قاسى ..
.
تملى يصد أمواجى ..
.
لكن عايش ..
.
باصبر نفسى بالاحلام .. و لو حتى على الهامش ..
.
و أحلامى فى بحر غويط سمك سباح محال صيده ..
..
باقول يارب صبرنى .. و قدرنى ..
..
و إيه يشفع لعبد ضعيف إذا مارضيش عليه سيده ..؟
.
سحاب سابح بيسحبنى ..
و يحبسنى فى حسبة كام سنة فاتت ..
.
و يبكى معايا عالعمر اللى ضاع منى و انا ساكت ..
.
هناك ٤ تعليقات:
i apologize for being late and even not commenting any more but just i wanna say you still a very briliant writer keep on that way and donnot ever give up and never be sad since you have finished your collage you should start practicing what you love
never be sad on a lost love becouse may be your happiness wasnot in it
any way
i wanna tell that iam reading and will be
انا برضه رأيى من رأى الاخ المجهول او الاخت المجهولة
بس ده مش يمنع انك بقيت ماشاء الله بتعبر تمام
ربنا يديم عليك مطاوعة قلمك ليك
الأخ/الأخت العزيز/العزيزة (غير معرف ) . نورتنى بجد و كلامك شجعنى فعلا .. و ياريتنى فعلا أكون زى ما حضرتك بتقول كده ...
تحياتنى لحضرتك ... و نورتنى/نورتينى ..
و استمر/استمرى فى القراءة ..
حبيبة . يا اهلا يا اهلا ..بتغيبى تغيبى و ترجعى .. انا عارف الامتحانات شاغلاكى .. ربنا يعينك ..
ذاكرى كويس .. و خدى بالك من نفسك ..
نورتينى ..
و تحياتى ليكى
إرسال تعليق